ശബരിമല അയ്യപ്പന്റെ തികഞ്ഞ ഭക്തനായ അച്ഛന് തന്റെ മകന് അയ്യപ്പന് കുട്ടി എന്നു പേരിട്ടു. മകന് സല്സ്വഭാവിയായി വളരണമെന്ന് അച്ഛന് ഒരേ ശാഠ്യമായിരുന്നു. പക്ഷേ, അയ്യപ്പന് കുട്ടി പമ്പയാറിനു തീരത്തെ ചെറുകോല്പുഴയെന്ന ഗ്രാമപ്രദേശത്ത് മറ്റേതു കുട്ടികളെയും പോലെ കാടു കാട്ടിത്തന്നെ വളര്ന്നു. നാടകങ്ങളിലെ പെണ്വേഷം അഭിനയിക്കുന്നതിലായിരുന്നു കുട്ടിയുടെ കമ്പം മുഴുവനും. അച്ഛനും മകനും ഇതേ ചൊല്ലി വഴക്കായി. ഒരിക്കല് പൊന്കുന്നം വര്ക്കിയുടെ ഒരു നാടകത്തില് കുട്ടിയുടെ പെണ്വേഷം തകര്ത്താടുമ്പോള് കാണികളിലാരോ എന്തോ കമന്റ് പറഞ്ഞു. കൂട്ടത്തില് നാടകം കണ്ടു കൊണ്ടിരുന്ന അച്ഛനും അതു കേള്ക്കാനിടയായി. അതില് പിന്നെ ദേഷ്യം ഇരട്ടിച്ച അച്ഛന് വീട്ടില് നീണ്ട ഒരു ഉപവാസത്തിലേര്പ്പെടുകവരെയുണ്ടായി. കുട്ടിക്കും ഇക്കാര്യത്തില് ആകെ മനോവിഷമമായെങ്കിലും നാടകക്കമ്പം ചെറുക്കാനാവാത്തതായിരുന്നു. അങ്ങനെ അച്ഛനെ കബളിപ്പിച്ച് കുട്ടി വീണ്ടും പെണ്വേഷത്തില് അരങ്ങുകളില് പ്രത്യക്ഷപ്പെടാറുണ്ടായിരുന്നു.
(മാതൃഭൂമി ആഴ്ചപ്പതിപ്പില് പ്രസിദ്ധീകരിച്ച ശ്രീ ടി.കെ.എ നായരുമായുള്ള അഭിമുഖത്തിന്റെ പൂര്ണരൂപം ഇവിടെ വായിക്കുക)
(മാതൃഭൂമി ആഴ്ചപ്പതിപ്പില് പ്രസിദ്ധീകരിച്ച ശ്രീ ടി.കെ.എ നായരുമായുള്ള അഭിമുഖത്തിന്റെ പൂര്ണരൂപം ഇവിടെ വായിക്കുക)
No comments:
Post a Comment